പതിനേഴ് രാജ്യങ്ങളില്‍നിന്നുള്ള പ്രവാസികള്‍ക്ക് അബുദാബിയില്‍ 10 ദിവസത്തെ ക്വാറന്റൈന്‍ ആവശ്യമില്ലെന്ന് അധികൃതര്‍. സൗദി അറേബ്യ, കുവൈത്ത്, ഖത്തര്‍, ഒമാന്‍ എന്നീ രാജ്യങ്ങളും ഈ പട്ടികയില്‍ ഉള്‍പ്പെടും. വിസിറ്റ് അബുദാബി വെബ്‌സൈറ്റിലാണ് ഇക്കാര്യം വ്യക്തമാക്കുന്നത്.
അബുദാബിയില്‍ എത്തുന്നവര്‍ 96 മണിക്കൂറിനുള്ളില്‍ നടത്തിയ കൊവിഡ് പി.സി.ആര്‍ നെഗറ്റീവ് സര്‍ട്ടിഫിക്കറ്റ് കയ്യില്‍ കരുതണം. ഇക്കൂട്ടര്‍ വിമാനത്താവളത്തില്‍ നടക്കുന്ന പരിശോധനയിലും പങ്കാളികളാവണം.
