ടെക്‌സാസ്: അമേരിക്കയിലെ ടെക്‌സാസില്‍ മെസ്‌ക്വിറ്റിലെ ഷോപ്പിങ് സെന്ററിലെ മോഷണത്തിനിടെ അക്രമിടെ വെടിയേറ്റ് മലയാളി കൊല്ലപ്പെട്ടു. കോഴഞ്ചേരി ചെരുവില്‍ കുടുംബാംഗമായ സാജന് മാത്യുവാണ് കൊല്ലപ്പെട്ടത്.
സാജന് മെസ്‌ക്വിറ്റിലെ ഗാലോവെയില്‍ ബ്യൂട്ടി സപ്ലൈ സ്‌റ്റോര്‍ നടത്തിവരുകയായിരുന്നു. കഴിഞ്ഞ ദിവസം ഉച്ചയോടെ സ്‌റ്റോറില്‍ അതിക്രമിച്ച് കയറിയ അക്രമി മോഷണത്തിനിടെ ക്യാഷ് കൗണ്ടറിലുണ്ടായിരുന്ന സാജന് നേരെ വെടി ഉതിര്‍ക്കുകയായിരുന്നു. പോലീസ് സാജനെ ആശുപത്രിയില്‍ എത്തിച്ചെങ്കിലും മരണം സംഭവിച്ചു. ഭാര്യ മിനി ഡാലസ് പ്രസ്ബിറ്റിരിയന്‍ ആശുപത്രിയില്‍ നഴ്‌സാണ്.
