രണ്ട് ദിവസത്തെ സന്ദര്‍ശനത്തിനായി പ്രധാനമന്ത്രി നരേന്ദ്ര മോദി ഇന്ന് കൊച്ചിയിലെത്തും. ഇന്ത്യ തദ്ദേശിയമായി നിര്‍മ്മിച്ച വിമാന വാഹിനി യുദ്ധക്കപ്പല്‍ ഐ.എന്‍.എസ് വിക്രാന്തിനെ പ്രധാനമന്ത്രി കമ്മീഷന്‍ ചെയ്യും.
ഇന്ന് വൈകിട്ട് നാലിന് നെടുമ്പാശേരിയില്‍ വിമാനമിറങ്ങുന്ന പ്രധാനമന്ത്രി വിമാനത്താവളത്തിന് പുറത്ത് ബി ജെ പി ഒരുക്കുന്ന യോഗത്തില്‍ പ്രസംഗിക്കും. തുടര്‍ന്ന് കാലടി ആദിശങ്കര ജന്മഭൂമി ക്ഷേത്രത്തില്‍ ദര്‍ശനം നടത്തും. ശൃംഗേരിമഠം അഡ്മിനിസ്ട്രേറ്റര്‍ വി.ആര്‍. ഗൗരിശങ്കര്‍ പൂര്‍ണകുംഭം നല്‍കി സ്വീകരിക്കും. ശ്രീശാരദ സന്നിധിയിലാണ് ആദ്യം ദര്‍ശനം. ശ്രീകോവിലില്‍ മംഗളാരതിയില്‍ പങ്കെടുക്കും. ശ്രീശങ്കരന്റെ അമ്മ ആര്യാംബയുടെ സമാധിയും ശ്രീശക്തി ഗണപതി സന്നിധിയും സന്ദര്‍ശിക്കും. കൊച്ചി മെട്രോയുടെ പുതിയ പാതയും പ്രധാനമന്ത്രി ഉദ്ഘാടനം ചെയ്യും.
