ഗാന്ധി ജയന്തി ദിനത്തില്‍ മഹാത്മാഗാന്ധിക്ക് ആദരാഞ്ജലി അര്‍പ്പിച്ച് പ്രധാനമന്ത്രി നരേന്ദ്ര മോദി. ഗാന്ധിജിയോടുള്ള ആദരസൂചകമായി ഖാദി, കരകൗശല ഉല്‍പന്നങ്ങള്‍ വാങ്ങാനും പ്രധാനമന്ത്രി ജനങ്ങളോട് അഭ്യര്‍ത്ഥിച്ചു. ഇന്ത്യ ആസാദി കാ അമൃത് മഹോത്സവം ആഘോഷിക്കുന്നതിനാല്‍ ഈ ഗാന്ധി ജയന്തി കൂടുതല്‍ സവിശേഷമാണെന്നും അദ്ദേഹം ചൂണ്ടിക്കാട്ടി . മഹാത്മാഗാന്ധിയെക്കുറിച്ചുള്ള തന്റെ ചിന്തകളുടെ വീഡിയോയും അദ്ദേഹം പങ്കുവെച്ചിട്ടുണ്ട്.
‘ ഗാന്ധിജയന്തി ദിനത്തില്‍ മഹാത്മാഗാന്ധിക്ക് ആദരാഞ്ജലികള്‍ അര്‍പ്പിക്കുന്നു. ഇന്ത്യ ആസാദി കാ അമൃത് മഹോത്സവം ആഘോഷിക്കുന്നതിനാല്‍ ഈ ഗാന്ധിജയന്തി കൂടുതല്‍ സവിശേഷമാണ്. ബാപ്പുവിന്റെ ആദര്‍ശങ്ങളില്‍ നമുക്ക് എന്നും ജീവിക്കാം. ഗാന്ധിജിക്കുള്ള ആദരാഞ്ജലിയായി ഖാദി, കരകൗശല ഉല്‍പ്പന്നങ്ങള്‍ എന്നിവ വാങ്ങാന്‍ എല്ലാവരോടും ഞാന്‍ അഭ്യര്‍ത്ഥിക്കുന്നു. .’ ട്വീറ്റില്‍ പ്രധാനമന്ത്രി കുറ്റിച്ചു.
