ന്യൂഡല്‍ഹി: ഐക്യരാഷ്ട്ര സുരക്ഷാ കൗണ്‍സിലില്‍ അധ്യക്ഷസ്ഥാനം വഹിക്കുന്ന ആദ്യ ഇന്ത്യന്‍ പ്രധാനമന്ത്രിയാകാനൊരുങ്ങി പ്രധാനമന്ത്രി നരേന്ദ്ര മോദി. ഈ മാസം മുഴുവന്‍ ഇന്ത്യക്കാണ് സുരക്ഷാ കൗണ്‍സില്‍ അദ്ധ്യക്ഷ സ്ഥാനം.
ഇന്ത്യന്‍ പ്രധാനമന്ത്രിക്ക് ലഭിച്ചിരിക്കുന്ന അവസരം ലോകരാജ്യങ്ങള്‍ക്കുള്ള സന്ദേശമാണ്. ആഗോള തലത്തില്‍ ഇന്ത്യന്‍ ഭരണനേതൃത്വത്തിന്റെ കാര്യക്ഷമതയാണ് ഇതിലൂടെ വ്യക്തമാകുന്നത്. ആഗോള വിഷയങ്ങളില്‍ ഇന്ത്യയുടെ നിലപാടുകളെ ലോകം അംഗീകരിക്കുന്നു എന്നതിന്റെ തെളിവാണിതെന്നും മുന്‍ യു.എന്‍. സ്ഥാനപതി സയ്യദ് അക്ബറുദ്ദീന്‍ പറഞ്ഞു.
