ന്യൂഡല്‍ഹി: കോവിഡ് ഒമിക്രോണ്‍ വ്യാപിക്കുന്ന ആഫ്രിക്കന്‍ രാജ്യങ്ങള്‍ക്ക് മരുന്നും മറ്റ് സഹായങ്ങളും വാഗ്ദാനം ചെയ്ത ഇന്ത്യയെ അഭിനന്ദിച്ച് ഇംഗ്ലീഷ് ക്രിക്കറ്റ് ഇതിഹാസം കെവിന്‍ പീറ്റേഴ്‌സണ്‍. ‘ഇന്ത്യ കരുതല്‍ ഒരിക്കല്‍കൂടി കാട്ടി. ഒട്ടേറെ ഹൃദയ സ്പര്‍ശിയായ മനുഷ്യരുള്ള ഗറ്റവും അവിസ്മരണീയമായ രാജ്യമാണ് ഇന്ത്യ.’ പീറ്റേഴ്‌സണണ്‍ ട്വിറ്ററില്‍ കുറിച്ചു.
കോവിഡ് പ്രതിരോധത്തിനായി മരുന്നുകളും അവശ്യ ഉപകരണങ്ങളുമടക്കം കോടികളുടെ സഹായമാണ് ആഫ്രിക്കന്‍ രാജ്യങ്ങള്‍ക്ക് ഇന്ത്യ നല്‍കി വരുന്നത്. 41 രാജ്യങ്ങളിലായി 25 മില്യണിലധികം കോവിഡ് വാക്‌സിനുകളും ഇതിനോടകം ഇന്ത്യ വിതരണം ചെയ്തുകഴിഞ്ഞു.
