90-ാം പിറന്നാള്‍ ആഘോഷിച്ച് ഇന്ത്യന്‍ വ്യോമസേന. ചണ്ഡീഗഡില്‍ നടക്കുന്ന ആഘോഷങ്ങളില്‍ 80 വിമാനങ്ങളുമായി സുഖ്ന തടാകത്തിന് മുകളിലൂടെ ഒരു മണിക്കൂര്‍ നീണ്ട ആകാശ പ്രദര്‍ശനം നടത്തും. പുതിയ കോംബാറ്റ് യൂണിഫോമും ഈ വാര്‍ഷിക വേളയില്‍ വ്യോമസേന പുറത്തിറക്കി. രാവിലെ നടന്ന വ്യോമസേനയുടെ പരേഡ് പരിശോധിച്ചു വ്യോമസേനാ മേധാവി എയര്‍ ചീഫ് മാര്‍ഷല്‍ വി ആര്‍ ചൗധരി വ്യോമസേനയുടെ പുതിയ പ്രവര്‍ത്തന ശാഖ രൂപീകരിക്കുന്നതായി പ്രഖ്യാപിച്ചു.
ഈ ചരിത്രപരമായ അവസരത്തില്‍, വ്യോമസേനയ്ക്കായി പുതിയ വെപ്പണ്‍ സിസ്റ്റം രൂപീകരിക്കുന്നതിന് സര്‍ക്കാര്‍ അംഗീകാരം നല്‍കിയിട്ടുണ്ടെന്ന് അറിയിക്കുന്നു. സ്വാതന്ത്ര്യത്തിന് ശേഷം ഇതാദ്യമായാണ് ഒരു പുതിയ ശാഖ വ്യോമസേനയില്‍ സൃഷ്ടിക്കുന്നത്. ഭൂതലത്തില്‍ നിന്ന് ഉപരിതല മിസൈലുകള്‍, ഉപരിതലത്തില്‍ നിന്ന് ആകാശത്തേക്ക് മിസൈലുകള്‍ ഇത്തരത്തിലുള്ള ആയുധ സംവിധാനങ്ങള്‍ നിയന്ത്രിക്കുന്ന പ്രത്യേക ഓപ്പറേറ്റര്‍മാരെ വിദൂര പൈലറ്റഡ് വിമാനങ്ങള്‍, ഇരട്ട, മള്‍ട്ടി ക്രൂ വിമാനങ്ങള്‍ എന്നിവയില്‍ നിയമിക്കാന്‍ പ്രാപ്തമാക്കുമെന്ന് എയര്‍ ചീഫ് വിആര്‍ ചൗധരി പറഞ്ഞു. ഈ സിസ്റ്റം വരുന്നതിനാല്‍ പറക്കല്‍ പരിശീലനത്തിനുള്ള ചെലവ് കുറച്ചതിനാല്‍ തന്നെ സര്‍ക്കാറിന് 3,400 കോടിയിലധികം തുക ലഭിക്കുമെന്നും ചീഫ് വിആര്‍ ചൗധരി പറഞ്ഞു.
അടുത്ത വര്‍ഷം മുതല്‍ വനിതാ അഗ്നിവീറുകളെ പ്രവേശിപ്പിക്കാനുള്ള നടപടികളും വ്യോമസേന ആരംഭിച്ചിട്ടുണ്ട്. ഇതിനായുള്ള അടിസ്ഥാന സൗകര്യങ്ങള്‍ സൃഷ്ടിക്കുന്നത് പുരോഗമിക്കുകയാണെന്നും അദ്ദേഹം കൂട്ടിച്ചേര്‍ത്തു.
