മലയാളത്തിലെ ഏറ്റവും മികച്ച ബോക്‌സ് ഓഫീസ് ചിത്രമെന്ന് പ്രദര്‍ശനത്തിനുമുമ്പേ പ്രശസ്തി നേടിയ മോഹന്‍ലാല്‍ ചിത്രം ‘മരയ്ക്കാര്‍ അറബിക്കടലിന്റെ സിംഹം’ തിയേറ്ററുകളില്‍ എത്തുന്നു. കൊവിഡ് മാനദണ്ഡങ്ങള്‍ പാലിച്ച് തിയേറ്ററുകള്‍ തുറക്കാമെന്ന സര്‍ക്കാര്‍ നിര്‍ദ്ദേശത്തിന് പിന്നാലെയാണ് അണിയറ പ്രവര്‍ത്തകര്‍ ചിത്രത്തിന്റെ റിലീസ് പ്രഖ്യാപിച്ചത്.
ചിത്രം മാര്‍ച്ച് 26ന് തിയേറ്ററുകളില്‍ എത്തും. കഴിഞ്ഞ വര്‍ഷം മാര്‍ച്ചില്‍ ചിത്രത്തിന്റെ റിലീസ് പ്രഖ്യാപിച്ചിരുന്നതാണ്. ചിത്രത്തിന്റെ കുഞ്ഞാലിമരയ്ക്കാറിന്റെ വേഷത്തിലാണ് മോഹന്‍ലാല്‍ എത്തുന്നത്.
